Яагаад франчайз бизнес эхлүүлэхээсээ өмнө бусад эзэмшигч нартай уулзах хэрэгтэй вэ?

2022-09-15

Та өөрийн бий болгохоор зорьж буй бизнесээ бодит байдал дээр хэрхэн хэрэгжиж байгааг харах шиг гайхалтай бодит жишээ гэж үгүй. Тэр мөч хүртэл та зөвхөн толгойдоо төсөөлж байсан бол бодитоор харах, өдөр бүр энэ бизнесийг эрхлэн явуулна гэж төсөөлөхөд танд ямар санагдаж байна?

Мөн утсаар мэдээлэл авах боломжтой ч та очиж уулзаад бодит байдлыг нүдээр харан танилцах нь илүү чухал гэж зөвлөе.

Нийтлэг алдаа.

Хэтэрхий эрт уулзаж мэдээлэл авах. Учир нь та брэндийн талаарх мэдлэг, үйл ажиллагаа хэрхэн явагддаг зэрэг бүрэн гүйцэт мэдээлэл аваагүй байдаг.

Мөн эдгээр мэдээллийг бусад франчайз эрх эзэмшигчдээс нэг бүрчлэн асуух нь тэдэнд эвгүй сэтгэгдэл төрүүлнэ. Өөрөөр хэлбэл эхлээд Франчайз эрх олгогчоос хангалттай хэмжээний мэдээллүүдээ аваад, дараа нь хэрэгжиж буй бизнесүүд дээр очих нь танд илүү оновчтой байх болно.

Зөвлөмж: Дор хаяж 2-3 байршилд очиж уулзахыг зөвлөж байна. Байршлаасаа хамааран тухайн бизнесийн үйл ажиллагаа өөр байх тохиолдлууд байдаг.

Ингэж туршлага судалж явахдаа та юу хийх вэ?

Асуулт асуух болон үйл ажиллагааг ажиглах: Таныг очиход тэд маш их асуулт асуух байхдаа гэсэн хүлээлттэй байх ба харин та эрх олгогчоос хангалттай хэмжээний мэдээлэл авсан тохиолдолд тэднийг олон асуултаар залхаахгүй оновчтой чухал мэдээллүүдээ л авах боломж бүрдэх юм. Та дараах асуултуудыг асууж болох юм.

1. Франчайз эрх олгогч тал таны үйл ажиллагаанд хэр зэрэг дэмжлэг үзүүлдэг талаар
2. Ажиллагсад ажилдаа хэр тогтвор суурьшилтай ажилладаг
3. Хүний нөөцийн бүрдүүлэлтээ хэрхэн хийдэг
4. Ажлын байрны талбайн хэмжээ тохиромжтой эсэх
5. Бизнестээ хэр их цагийг зарцуулдаг
6. Таны борлуулалт хэр байна? Таны хүлээлтээс хэр байна? Хэр ашигтай ажилладаг талаар
7. Үйл ажиллагаагаа эхлүүлэхээсээ өмнө мэдвэл зохилтой гэж үзэж байгаа зүйл байгаа юу? гэх мэт

Мөн та дараах зүйлсийг өөрөө ажиглаж болно:

1. Энэ салбарын үйл ажиллагаа зөв зохион байгуулагдсан эсэх мөн мэргэжлийн үйлчилгээ үзүүлж чадаж байна уу?
2. Таны хүсч буй зүйл мөн байна уу?
3. Та энэ бизнесийг эрхлэн явуулбал амжилттай ажиллахаар байна уу? гэх мэт

Эцэст нь хэлэхэд та өөртөө хэд хэдэн зураг авч үлдээрэй. Дараа нь өөрийн оффисыг тохижуулахад санаа авахад их хэрэг болдог.

Дүгнээд хэлэхэд Франчайз эрх олгогч талаас хангалттай мэдээлэл авах, түүний дараа 2-3 салбарт зочлон сонирхсон асуултуудаа асууж, ажиглалт хийх нь үнэхээр таны өөрийн болгохыг хүсч буй бизнес энэ мөн эсэхэд итгэлтэй байхад тусална.