Илтгэл тавихад анхаарах 3 зүйл
2023-05-04
Аливаа нэг илтгэлийг үндсэн 3 хэсэгт хувааж, 20-25 минутад ярих нь үр дүнтэй, сонсогчдод наалдацтай байдаг. Ингэхдээ тухайн сэдэвтэй уялдаатай явган шог яриа, өөрийн түүх болон мэдрэмжээ хуваалцаарай. Хэрвээ та карьерын өсөлтийн тухай илтгэл тавих гэж байгаа бол дараах загварыг ашиглаад үзээрэй.
Хамгийн түрүүнд тухайн ажлын байранд ямар ур чадвар, шинж чанартай хүн тохирохыг тодорхойлоорой. Дараа нь тэдний амжилтын үндэс нь зөвхөн өөрсдийнх нь хичээл зүтгэл, хөдөлмөрөөс үүдэлтэй гэдгийг тайлбарлаарай. Жишээ нь үл хөдлөх хөрөнгийн агент байна гэдэг маш хэцүү бөгөөд 2 хүртэл жил ажилласан нийт агентуудын ердөө 20% нь л уг карьераар үргэлжлүүлэн ажилладаг гэх мэт хэрэгцээтэй баримтыг дурьдаж болно.
Энэ хэсэгт өөрийн түүхээ хуваалцаарай. Ингэхдээ ярьж буй түүхэнд тань үнэ цэнэ авчрах зүйлийг нэмэхийн сацуу нэгдүгээр хэсэгт дурьдсан шинж чанар, ур чадвартай уялдуулаарай. Жишээ нь анх бизнесээ эхлүүлэхэд ямар бэрхшээлүүдтэй тулж байсан, цаг хугацаа өнгөрөхийн хэрээр нөхцөл байдал хэрхэн дээрдэж буй тухай ярьж болно. Хамгийн гол нь шаргуу хөдөлмөр, цуцашгүй чанар л эерэг өөрчлөлт авчирдаг гэдгийг тайлбарлаарай.
Илтгэлийн хоёрдугаар хэсэгт та бизнесийн бүхий л салбарууд хэцүү бэрх, үүрэг хариуцлага өндөр хэдий ч үл хөдлөхийн салбарт өөдрөг, цуцашгүй чанараар ажиллаж чадвал гайхалтай үр дүн гарах болно гэдгийг өөрийн туршлага, мэдрэмж дээрээ үндэслэн яриарай. Бизнесийн эхэн үед шантармаар үе олон хэдий ч тууштай, сахилга баттай байх нь ямар үр өгөөжтэй вэ гэдгийг ойлгуулах нь чухал юм.
Сайн асуулт тавьж байж сайхан яриа өрнөдөг. Харин илтгэл тавьж буй тохиолдолд яриа тэр чигтээ хариулт байх хэрэгтэй. Иймд илтгэлээ бэлдэж байхдаа өөрөөсөө том асуулт асуухаас битгий айгаарай. Жишээ нь: Өөрсдийнхөө хамгийн шилдэг хувилбар болохын тулд бид өнөөдөр хэн байх хэрэгтэй вэ? Та маргаашийн амьдралаа илүү сайхан болгохын тулд өнөөдөр хэцүү шийдвэр гаргаж чадах уу? г.м
Дээрх зааврыг ашиглан амжилттай, сонирхолтой, үр дүнтэй илтгэл тавина гэдэгт итгэлтэй байна. Амжилт хүсье!
