Нөлөөллийн хүрээллийг бизнест ашиглах нь

2022-10-27

Нөлөөллийн хүрээлэл, түүний бизнест ямар чухал болох талаар ярихаас өмнө богинохон түүх хуваалцъя.

Хүйтэн дайны үед амьдарч байсан хүмүүс, эсвэл түүхийн ангийн оюутнууд энэ нэр томъёог цөөнгүй сонсож байсан байх. Нөлөөллийн хүрээлэл хэмээх нэр томъёо нь эртний эзэнт гүрнүүдээс үүсэлтэй. Эзэнт гүрэн бүр хөрш улсуудаа шууд эзлэн түримгийлэхээс илүү өөрийн гүрний бодлого, худалдааны журам хэрэгжүүлдэг байжээ. Жишээ нь Ромын эзэнт гүрэн хөрш улсууддаа цэргийн хамгаалалт үзүүлснээр оронд нь худалдаа хийх нөхцөлтэй байлаа.

Викторийн эрин үеийн сүүлээр Герман болон Англи улсууд “нөлөөллийн хүрээлэл”-н гэрээтэй байлаа. Германчуудын нөлөөлөл орсон бүсрүү Англичууд халдахгүй гэсэн заалт хүртэл байжээ. Хамгийн том жишээ бол хүйтэн дайны үе. Америк, Англи зэрэг улсууд баруун Европ болон Америк тивийн ихэнх хэсэгт нөлөөллөө тогтоосон байхад Зөвлөлт холбоот улс зүүн Европт нөлөөллийн хүрээллээ бий болгох гэж оролдож байсан.

Нөлөөллийн хүрээг бизнест хэрхэн ашиглах вэ?

Бизнест нөлөөллийн хүрээллийг гэдэг бол итгэл даах хүмүүс гэж ойлгодог. Өөрөөр хэлбэл хэн нэгэн ямар бүтээгдэхүүн хамгийн сайн нь болох талаар таны бодлыг асууна гэсэн үг.  Та санхүүгийн зөвлөгч байлаа гэхэд хүмүүс таниас энэ 7 хоногийн хамгийн ашигтай хувьцаа аль нь гэдгийг асууна. Эсвэл хуучин машин авахаар хайж буй хүн мэргэжлийн засварчнаас засвар болон найдвартай байдлын талаар асууна гэсэн үг. Итгэлцэл бол бизнесийн харилцааны хамгийн чухал зүйл

Нөлөөллийн хүрээлэл бизнест хэрхэн ажилладагийг жишээ татан тайлбарлая.

Ихэнх хүмүүсийн хувьд байр авна гэдэг бол хамгийн том худалдан авалт байдаг. Хэдэн өрөөтэй ямар ч байр байсан агентуудад ханддаг. Харин агентууд худалдан авагчид хамгийн боломжийн үнээр хүссэн байрыг нь олж өгдөг. Энэ тохиолдолд агент өөрийн туршлага, мэргэжлийн байдал, үйлчилгээ зэргийг бодитоор үнэлүүлж ажлын хөлсөө авдаг.

Агент борлуулалтын үүргээ амжилттай гүйцэтгэхэд агентаар үйлчлүүлсэн худалдан авагчид аз жаргалтайгаар санал өөр хэн нэгэнд түүнийг санал болгодог. Агентууд маш олон асуудлыг талуудын өмнөөс хэн хэнд нь ашигтай байхаар шийдвэрлэж чаддаг.

Агент өөрийн туршлага, мэдлэг зэрэгт үндэслэн худалдан авагчид тохирох байрыг олж өгдөг. Агентын сайн үйлчилгэний шагнал болон авагч реферал хийдэг. Реферал гэдэг бол харилцагч нь өөр нэг харилцагч нийлүүлэх процесийг хэлдэг. Зөвлөгөө өгнө гэдэг бол нөлөөллийн хүрээлэлдээ татан оролцуулж буй хэлбэр юм. Реферал бол найдвартай байдлаар баталгааждаг. Зарим агентууд харилцагч нартаа өөрийгөө сануулах үүднээс хааяа мэндчилгээ илгээх нь бий. Юмыг яаж мэдэх вэ, өөр гүйлгээний боломж гарах ч юм билүү? Хамгийн гол нь нөлөөллийн хүрээгээ бэхжүүлэх нь чухал.  

Ингэснээр агент нөлөөллийн хүрээлэлдээ харилцагч нараа татан оруулж байна гэсэн үг юм. Тэднээр зогсохгүй найзууд, гэр бүлийн гишүүд бол нөлөөллийн хүрээллийн чухал хэсэг юм. Хамтран үйлчилгээ үзүүлэх боломжтой байгууллага хувь хүмүүсийг мартаж болохгүй. Банкны зээлийн эдийн засагч, санхүүгийн зөвлөх, даатгалын ажилтан, дотоод заслын мэргэжилтэн хэн ч байж болно. Эдгээр мэргэжлийн харилцаа бол сэжмүүдийн том эх үүсвэр бөгөөд худалдагч болон худалдан авагч талд таны нэрийн хуудас болж чаддаг.