Манлайлал

2022-10-19

1970 - аас 1990 оны үед дэлхий дахинаа манлайллын талаар ном зохиол ховор байдаг байсан. Одоогийн үед ч судалсан судалгаа, бичсэн ном, товхимол цөөн байна. Ялангуяа монголд бүр цөөн гэдгийг бид мэднэ. Менежмент бизнесийн ертөнцийг захирч байсан Питер Друкер хаан нь байсан үеийг та бүхэн санаж л байгаа байх. Гэвч энэ бүхэн 1980-аад оны сүүлчээс өөрчлөгдөж, манлайллын ном зохиол илүүтэй үзэгдэх болсон. Учир юунд вэ гэвэл амьдрал хурдан хэмнэлд орж, өөрчлөлт гэдэг энгийн зүйл болж. Нэг ухаандаа улам бүр ярвигтай болж буй дэлхий ертөнцтэй хөл нийлүүлэн алхахад чинь туслах арга зам бол МАНЛАЙЛАЛ юм. Бид өмнө цаг үед холын төлөвлөгөөг 5 жилээр гаргадаг байсан гэтэл одоо яг өнөөдрийн зах зээлд холын төлөвлөгөөг 2 жилээр гаргах нь оновчтой гэж зөвлөдөг болсон.

Технологийн ололт амжилт маш хурдацтай хөгжиж байгаа учраас юм бүхэн богино хугацаанд урагшлах болжээ.

 Иймээс манлайлагчид бид аливаа шийдвэрийг гаргахдаа алгуурлаж огт болохгүй. Агент та манлайлагч байх зайлшгүй шаардлагатай. Тиймээс бид үргэлж өөрчлөгдөж, мэдлэгээ сэлбэж, дахин өөрчлөгдөх өөрчлөлтөнд бэлэн байж, дундаж байдалдаа сэтгэл ханалгүй ер бусын туршлагыг цогцлоож явах нь зүйтэй. Агент ажил, мэргэжил маш эрч хүчтэй, өсөлтийг өөрөө бүтээх бүрэн боломжтой, таныг бүх талаар нь хөгжүүлж байгаа чинээгээрээ таны санхүү үргэлж дээшилж байдаг гайхалтай онцлог давуу талтай бизнес. Агент та үйлчлүүлэгч, хамт олноо манлайлж байх нь таны нөлөөллийг тэлж, үр өгөөжийг мэдэгдэхүйц дээшлүүлнэ. Ингэхийн тулд таны хувь хүний чадамж хамгийн чухал.

Чадамжийн үнэлэмжийн үндэс суурийг хэрхэн тавих вэ? Байдаг чадлаараа хичээхийн зэрэгцээ багаас нь эхлүүлэх замаар. Дейл Карнеги нэгэнтээ “Ялихгүй мэт ажлыг бүхий л чадлаараа хийж гүйцэтгэхээсээ бүү айгаарай. Учир нь нэгийн ард гарах бүрт та өмнөхөөсөө илүү хүчирхэгжиж байдаг. Тэгээд ч жижиг чулуугаар том чулууг гэдэг шүүдээ” гэж хэлснийг санаарай. Ер нь аливаа ажлыг чанартай, бүрэн гүйцэтгэх нь тухайн хүнийхээ нэр нөлөөг бэхжүүлж байдаг. Үүний нэгэн адилаар манай агентууд үйлчлүүлэгчдийнхээ хэрэгцээ шаардлага, эрэлт хэрэгцээг бүрэн дүүрэн мэдэж, жижиг деталь зүйлсийг ч анзаарч ажиллах нь таны үнэ цэнийг нэмэгдүүлэхээс гадна таны орлогыг мэдэгдэхүйц дээшлүүлэх арга зам юм.

Урьд нь манлайллыг зөвхөн заяамал шинжтэй, цөөн тооны шилмэл хүмүүст л хамаатуулж ойлгодог байсан ойлголт орчин үед эрс өөрчлөгдөж бизнесийн ертөнц илүү өрсөлдөөнтэй, улам тогтворгүй  болж буйтай холбогдон манлайлагчдын хэрэгцээ улам бүр өссөөр байна.

Манлайллын ур чадварт суралцах, эзэмших нь хүн бүрт нээлттэй, боломжтой бөгөөд гагцхүү өөрийн зорилгодоо тууштай, суралцагч, шинийг эрэлхийлэгч, зөв хандлагатай байвал жинхэнэ манлайлагч болж чадах нь нотлогдсон.  

“Ус савныхаа хэлбэрийг дагадагтай адил мэргэн хүн нөхцөл байдалдаа тохируулан өөрийгөө өөрчилдөг” гэдэг зүйр үгийг иш татан би нэг санаа өгье. Дасан зохицох чадвар бол манлайллын гол томьёо юм. Энэ бол манлайлагч нэгэнд шаардлагатай нэн чухал ур чадвар юм.