Яагаад CENTURY 21-н франчайз вэ?
2022-08-25
Манай улсын хөгжиж буй шинэхэн үл хөдлөхийн зах зээлд хөгжил, стандарт, соёлыг сурталчилан таниулж нутагшуулж буй нэгэн бол франчайз билээ. 1971 оноос хойш CENTURY 21® брэнд нь үл хөдлөх хөрөнгийн салбарт бие даасан брокерууд, бизнес эрхлэгчид болон борлуулалтын мэргэжилтнүүдэд өрсөлдөөнт зах зээлд гайхалтай үр дүнд хүрэх боломжийг санал болгосноороо үл хөдлөхийн салбарт томоохон өөрчлөлтүүдийг авч ирж эхэлсэн. Тэр үеэс хойш их зүйл өөрчлөгдсөн. Бусад брэнд, компаниуд CENTURY 21-ын арга барилыг хуулбарласаар ирсэн бөгөөд цаг хугацаа өнгөрөх тусам бүгд ижилхэн болж байгааг харж байна.
Салбартаа тэргүүлэгчийнхээ хувьд CENTURY 21® брэнд нь дахин томоохон өөрчлөлт, дэвшлийг авч ирэхийн тулд үл хөдлөх хөрөнгийн салбартай холбогдсон хэн бүхний оюун санаанд CENTURY 21 брэндийг шинэчлэн таниулахаар ажиллаж байна. Түүнээс чухал бидний ялгарал болон онцлог давуу шинж чанаруудын нэгээхэн хэсэг нь бидний салбар оффисуудадаа үзүүлдэг бизнесийн зөвлөх үйлчилгээ юм. Тэгвэл бид оффисууд болон борлуулалтын мэргэжилтэнгүүддээ анхаарал, халамж тавьдгийн нэгээхэн жишээ болох бизнесийн зөвлөх үйлчилгээний хүрээн дэх нэгэн зөвлөгөөг танд толилуулж байна.
“БИД нийт салбаруудынхаа брокер, агент, оффис менежерүүдэд чиглэсэн сургалт зөвлөгөөг тогтмол өгч тэднийгээ илүү амжилттай тогтвор суурьшилтай ажиллах боломж нөхцлийг ханган ажиллахыг эрмэлзэж яваа билээ.
Тэгэхээр тогтвор суурьшилтай ажиллахын түлхүүр нь зорилгоо зөв тодорхойлох. Зорилгоо сараар түүнээс улбаалан улиралаар төлөвлөж бодит боломж, гүйлгээний тоо баримт, ур чадвар, зах зээлд уялдуулан үнэн бодит гэхдээ өөрт чинь сорилт болохуйцаар хийж боловсруулан ажлаа долоо хоногоор төлөвлөж долоо хоног бүрийн төгсгөлд төлөвлөгөөнийхөө биелэлтийг хянаж ямар ямар ажлуудыг хийж гүйцэтгэсэн гэдгээ бөглөж /checklist гарган/ ажиллах нь чухал. Агент бүрт за цаашлаад бизнес бүрт л уналтын үе гэж байдаг. Гэхдээ уналтын үеийг тойрч түүнээс урьдчилан сэргийлэх боломжтой.
Тэгвэл агент таны бизнес үйл ажиллагаа яагаад унаж байна, уналтын үе яагаад өөрийг чинь тойрохгүй дайраад гарваа гэж толгой гудайн цүнхээ үүрэн алхаж байгаа бол та төлөвлөгөө гаргаагүй, зорилгоо зөв тодорхойлоогүй гэсэн үг. Магадгүй төлөвлөгөөгөө бичгийн ширээнийхээ аль нэг мухарт далд хадгалаж нэр төдийхөн гаргасан төлөвлөгөө тань тоосондоо дарагдан байгаа биз. Тэгвэл та сэрэх цаг болжээ босоод төлөвлө. Зорилгынхоо цаад мөн чанарыг маш сайн ойлго, зорилгоороо өөрийгөө шах, зорилгынхоо хүрээнд төлөвлөсөн ажлаа хийж үз, алд. Мэдээж алдаа гарна. Та хэрвээ зорилгоо төлөвлөж бичихгүй л бол тэр чинь зүгээр нэг мөрөөдөл. Зорилгодоо хүрэх гол алхам чинь төлөвлөгөө гаргаж түүндээ хүрэхийн тулд ажиллах.
Хэтэрхий хүнд хэцүүгээр бүү төсөөл ердөө л өнөөдөр өглөө ирээд имэйлээ, мэдээж өөрийн системээ шалгаж үзээд, шинэ сэжим үүсгэх зорилгоор 5 удаа утсаар ярьж, листийн тоогоо 1-ээр нэмэгдүүлж, 2 үйлчлүүлэгчтэй цаг болзож уулзалт товлож, 1 үйлчлүүлэгчид байр үзүүлэх эсвэл лист танилцуулна гэсэн бол түүнийгээ хий. Та бусдад өөрийгөө таниулж танилын хүрээгээ цаг ямагт тэлж явахгүй бол таны борлуулалт тодорхой хэмжээнд тулаад л зогсоно. Тиймээс эрэл хайгуулч бай.
Үл хөдлөхийн салбар гурван сарын цикльд оршдог. Тэгэхээр хаана юу тарина түүнийгээ хураана. Аль барилга, аль байршилд миний бизнес хөгжих вэ гэдгийг байнга эрэлхийл. Мөнгө зарцуулах, мөнгөө үрэхээс, өөрийн бизнест зарцуулж буй зүйлийг бүү харамла “Spend money to make money” гэдгийг санаж яв тодорхой маркетинг, үр өгөөж өгөх зүйлсэд гарах ёстой зардлыг тоо ёсоор нь зарцуул. “Scared money don’t make money” санаа зовох хэрэггүй хэтэвчинд чинь 10.000 төгрөг үлдсэн байсан ч кофе шоп ороод кофе авч уугаад бод, бусадтай ярилц яриа эхлүүл, тэнд ч гэсэн өөрийгөө таниул би үл хөдлөх хөрөнгийн мэргэжлийн зуучлагч хийдэг гэдгийгээ.
Санаа гарга, санаачлагатай байж бусдыг сонс. Тэгээд үйл ажиллагаагаа явуул постер бэлд, брошур, тараах материал /системд байрших template ашиглан хялбархан хий/ бэлдэн орон сууц, айл өрх, бизнес төвлөрсөн газрууд, гудмаар явж тараа. Энэ бүхний жижиг гэлгүй цааргалалгүйгээр хий учир нь чи “ҮЛ ХӨДЛӨХИЙН МЭРГЭЖЛИЙН ЗУУЧЛАЛГЧ ТЭР ДУНДАА ДЭЛХИЙН №1 CENTURY 21-ИЙН АГЕНТ”. Тиймээ энэ миний ажил үүнийг би л хийх ёстой гэж өөртөө байнга хэл. Тийм шүү дээ хонгор минь үүнийг чи л хийнэ чиний л ажил чиний л маркетинг, чиний бусдад өөрийгөө таниулах төгс арга зам бол энэ гэдгийг алхам тутамдаа сана. Өдрийг ийм байдлаар зохион байгуулж энэ бүхнийг өдөртөө хийж гүйцэтгэж чадсанаараа чи амжилттай борлуулалтын бизнес эрхлэгч болж таны бизнес цэцэглэн хөгжинө. Үл хөдлөхийн салбарт сайн агент болон тогтож үлдэхийн тулд танаас олон талын авьяас шаарданаа.
Тэгэхээр миний танилцуулах үл хөдлөхийн гурван “F” бол
- FOLLOW UP - дагаж мөрд
- FOLLOW THROUGH - дуустал нь хий
- FOLLOW BACK - буцаад дага
Яагаад гэвэл энэ чиний АЖИЛ. Эргээд сана! чи бол АГЕНТ /REAL ESTATE AGENT/...
Хийх гэж буй зүйлээ хий!!! учир нь бидний бизнест өрсөлдөөн ширүүн нуугаад юу хийхэв. Тиймдээ ч өнөөдөр бодож хэтэрхий их төлөвлөөд, нягтлаад суулгүй хариу үйлдэл хурдан үзүүлэх нь чухал ач холбогдолтой. MOVE FAST.
Үүн дээр би нэг бяцхан жишээ татая “нэг мэргэн өт байж л дээ. Тэр өт өрөөний голд байрлах ширээн дээрээс өрөөний буланд асгарсан сахарыг олж харж л дээ. Тэгээд нөгөө мэргэн өт маань төлөвлөгөө боловсруулаад түүнийгээ алхам бүртээ хянаад л явж. Алхаж байхдаа хүртэл би зөв чиглэлд алхаж байна уу, би яг зөв хөлөөр нь дамжиж бууж байна уу, би яг хэдэн хэмээр хазайч бууж байгаа билээ гэх мэтчилэн зүйлсийг хянаж, бодож явсаар сахартаа хүрч чадалгүй өлсөөд үхчихэж гэнэ”. Тэгэхээр юу хэлээд байна вэ гэхээр таны хийх үйлдэл чухал /Action, action, action/.
За тэгвэл миний зөвлөсөн 3 “F”-ээс хамгийн анхаарах нь “FOLLOWING BACK” буюу “БУЦААД ДАГА” энэ юуг хэлээд байна вэ гэхээр гүйлгээ хаагаад үйлчлүүлэгчдээ үйлчилгээ үзүүлээд дууссан бол араас нь холбоо харилцааныхаа шугамыг тасалж, хаалгүйгээр аливаа арга хэмжээ, тэмдэглэлт баяр ёслолуудаар мэндчилгээ илгээх, имэйл бичих, утсаар мэнд хүргэх, жижиг дурсгалын зүйл хадгалуулах гэх мэт арилжаа, гүйлгээний дараах таны тэдэнд үзүүлж буй халамж хамгаас чухал. Ингэснээр таны бизнест тогтвортой, итгэл хүлээлцсэн харилцаа бий болсоор л байна. Ийм зүйлээс ялангуяа бусдад аз жаргал бэлэглэх зүйлээс бүү хойш суу. Энэ өөрт чинь тэр бүхнээс илүү аз жаргал одоогийнхоос байгаагаас чинь олон боломжуудыг нээх зам юм шүү. За тэгээд үргэлж шинэ хүмүүстэй уулз, орчиноо, ордог газраа өөрчил, шинэ шинэ боломжуудыг шинэ шинэ аз жаргал, адал явдлыг эрэлхийл...
Аз жаргалтай ажилладаг агент танд амжилтын дээдийг хүсэн ерөөе!”
