Өндөр бүтээмжтэй Үл хөдлөх хөрөнгийн агентийн 7 дадал

2021-09-22

Бодит байдалтай нүүр тулцгаая - Үл хөдлөх хөрөнгийн агент болно гэдэг нь зориг муутай сул тоглогчдод зохих зүйл биш! 

Үл хөдлөх хөрөнгийн агентууд үйлчлүүлэгчдийн төрөл бүрийн хэрэгцээг хангахын зэрэгцээ байнгын харилцагчдынхаа тоог нэмэгдүүлэх зайлшгүй шаардлагатай тулгардаг, түүнчлэн орлого олохын тулд хангалттай хэмжээний гэрээ хэлцлүүдийг хийх хэрэгтэй байдаг. Тиймээс энэ бол эрэлт хэрэгцээтэй, өндөр ачаалалтай ажил мэргэжил юм. Мөн өнөө үеийн бизнесийн ертөнцийн хамгийн өрсөлдөөнтэй салбаруудын нэг. 

Тэгвэл Century 21-ийн агент өрсөлдөөнд хэрхэн хамгийн шилдэг нь байж чадах вэ? 

Стивен Ковигийн Өндөр бүтээмжтэй хүмүүсийн 7 дадал номоос санаа аван, би дурдагдсан дадал зуршлуудыг Үл Хөдлөх Хөрөнгийн Агентуудад нийцүүлэн гаргасан юм. Энэхүү ном нь энэ зууны хамгийн өндөр үнэлэгдсэн манлайлал болон хувь хүний хөгжлийн номуудын нэг билээ. Ганцхан энэ нийтлэлийг унших нь хангалтгүй тул та энэхүү номыг уншиж хувийн амьдрал болон бизнестээ хэрхэн тусган авч хэрэгжүүлж болох талаар эргэцүүлэх нь зүйтэй. Би танд үл хөдлөх хөрөнгийн агентийн хувьд өрсөлдөөнд давуу талыг олж авахад тань туслах Ноён Ковигийн чухал дүгнэлтүүдийг танилцуулья. 

Өндөр бүтээмжтэй Үл хөдлөх хөрөнгийн агентийн 7 дадал:

1. Идэвх санаачлагатай бай: Амжилт гаргахын тулд цагийн менежменттэй байгаарай. 

Үр бүтээмжтэй Үл хөдлөх хөрөнгийн агент нь зах зээлийн ивээлд байна хэмээн итгэж идэвхгүй суудаг нэгэн биш!  Зах зээлийн эрэлт, нийлүүлэлтийн хууль нь бидэнд нөлөөлөхгүй тул өндөр бүтээмжтэй агент нь идэвх, санаачлагатай байх ёстойгоо мэддэг. 

Та олон жилийн туршлагатай эсвэл өнгөрсөн долоо хоногт дөнгөж ажиллаж эхэлсэн үл хөдлөх хөрөнгийн агент байхаас үл хамааран, үйлчлүүлэгчдийг татах болон CENTURY 21 Систем нь бусад CENTURY 21 оффисуудтай хамгийн багадаа 1 удаа хамтарсан брокерын гүйлгээ хийх хөшүүргийг бий болгоход анхаарлаа хандуулах хэрэгтэй. 

Үйлчлүүлэгчдийг татах нь хангалтгүй - Та тэдэнтэй ажиллах хэрэгтэй! Хамтран ажиллахгүйгээр үйлчлүүлэгчдийг татсаар байх нь мухар замтай л адил! 

Өндөр бүтээмжтэй агентууд нь өөрсдийн цаг хугацааны үнэ цэнийг ойлгож чаддаг. Үйлчлүүлэгчдийг татах, дараагийн алхмуудыг хэрэгжүүлэх, харилцагчдадаа шинэ мэдээ мэдээллийг хүргэх, уулзалт хийх зэрэгт зарцуулах хангалттай цагийг өдөр тутмын төлөвлөгөөндөө хуваарилаарай. 

Мөн та уулзалтууддаа бэлдэх цагийг гаргасан уу? Уулзалтын өмнө бэлтгэлээ сайн базааснаар та харилцагчийн асууж болох бүхий л асуултад хариулахад бэлэн байх болно. Энэ нь харилцагчдын таны чадварт итгэх итгэлийг нэмэгдүүлж өгдөг. 

Идэвх, санаачлагатай C21 агентууд харилцагчдын аливаа хүсэлтийг хойшлуулшгүй чухал хэмээн авч үзэж тууштай байдлаар ханддаг. 

“Өөрийн төлөвлөгөөнд байгаа ажлуудаа эрэмбэлэх бус, харин нэн чухал ажлуудаа төлөвлөх нь гол түлхүүр юм.” - Стивен Р. Кови

2. Үр дүнг нь толгойдоо аль хэдийн зураглаж эхлүүл. Асуудлууд гарахаас өмнө шийдвэрлэх. 

Эцсийн зорилгынхоо талаар тодорхой дүр зураглалыг гарган санаж яв. Таны зорилго бол гэрээ хэлэлцээрүүдийг хийх, үл хөдлөх хөрөнгүүдийг хурдан зарах явдал билээ. 

Та цагаа сайн зохицуулах тусам харилцагчдадаа илүү их цаг гаргаж, цаашлаад илүү олон гэрээ хэлэлцээрүүдийг хааж эцсийн зорилгодоо хурдан хүрдэг! 

Үүнийг санаж явах нь амжилтад хүрэхэд тань тулгарах аливаа саад бэрхшээлийг даван туулахад тусалдаг. Аливаа асуудал гарахаас өмнө тэдгээрийг шийдвэрлэх бэлтгэлээ сайн базаа! Үл хөдлөх хөрөнгөө зарж буй харилцагчтайгаа итгэлцэл үүсгэх, анхаарал хандуулах шаардлагатай боломжит асуудлуудыг мэдэж байгаа эсэхийг лавлаж асуугаарай. 

Гарч болзошгүй асуудлуудыг нуух нь бизнес эрхлэх маш буруу арга бөгөөд та борлуулалтаа хийж чадахгүйд хүрэх эрсдэлтэй. 

Худалдан авагчид үл хөдлөх хөрөнгөтэй холбоотой асуудлуудын талаар эртнээс мэдэж байх ёстой, тэд эрт орой хэзээ нэгэн цагт олж мэдэх л болно, тиймээс эртнээс урьдчилан мэдэгдэж байх нь илүү дээр биш гэж үү? Түүнчлэн, үр бүтээмжтэй агент нь асуудлыг шийдвэрлэх шийдлүүдийг санал болгож чаддаг. 

Үйлчлүүлэгчдийн үл хөдлөх хөрөнгийн агентуудаас хайж байдаг хамгийн чухал чанар бол шударга байдал тул үйлчлүүлэгчидтэйгээ ил тод байх бодлогыг баримталж байх нь таныг эцсийн зорилгод тань ойртуулах болно.

“Итгэлцэл бол цавуутай адил. Энэ нь үр дүнтэй харилцааны зайлшгүй бүрэлдэхүүн хэсэг төдийгүй бүх харилцааг холбож байдаг суурь зарчим юм.” - Стивен Р. Кови

3. Чухал зүйлсийг нэгдүгээрт тавь. Борлуулалтаас илүүтэй харилцаа холбоо бий болгох.

Үр бүтээмжтэй агент харилцаа холбоог нэгдүгээрт тавьж чаддаг. 

Яагаад? Энэ нь ойлгоход маш хялбар - Бизнесийн сайн харилцаагүйгээр борлуулалт хийх боломжгүй! Мөн CENTURY 21-ийн агентууд насан туршийн харилцагчдыг бий болгож чаддаг. Хэрэв та харилцаагаа муутгавал одоогийн болон ирээдүйн борлуулалтын боломжуудыг алдах болно. 

Харилцааг холбоо бий болгож хөгжүүлэх нь борлуулалтыг бий болгох явдал юм! 

• Тогтвортой бизнесийн харилцаа нь сайн яриа хэлэлцээ, ойлголцол дээр тогтдог төдийгүй цаг хугацаа мөн чухал үүрэг гүйцэтгэдэг! 

• Үйлчлүүлэгчдээ тохирсон өдөр болон харилцах хэрэгслийг (утас, имэйл эсвэл текст) -ийг сонгоорой. Үйлчлүүлэгчид тань эргэлзэж, таамаглаж суух эсвэл тодорхой арга хэмжээ авахад дэндүү оройтсон үед гэрээний талаар мэдээ хүлээн авах ёсгүй. 

Үйлчлүүлэгчид олон дахин тань руу залгаж гэрээний талаарх мэдээллийг асуух нөхцөл байдлыг үүсгэж болохгүй. Та долоо хоногт дор хаяж нэг удаа үйлчлүүлэгчийнхээ үл хөдлөх хөрөнгөтэй холбоотой шинэ мэдээллийг залгаж хүргэж байх үүрэгтэй. 

• Асуулт асууж, сайн сонсогч байгаарай. Ингэснээр үйлчлүүлэгчдийн чухал зорилтуудыг та ч мөн эн тэргүүнд тавьж ажиллахад туслах болно. 

• Үйлчлүүлэгчээ сайтар таньж мэдээрэй. Тэд үл хөдлөх хөрөнгөө яаралтай борлуулах хэрэгтэй байна уу? Эсвэл хамгийн өндөр үнээр борлуулахыг хүсч байна уу? Тэдний нөхцөл байдлыг ойлгосноор та зохих сонголтуудыг санал болгох боломж бүрдэнэ. 

• Өөрийн ашиг орлогоос илүүтэй харилцаагаа эхэнд тавиарай. Жишээлбэл, худалдаалж буй тал болон худалдан авагч талуудыг хоёуланг нь төлөөлөх үйлдлээс зайлсхийх нь зүйтэй. Худалдаалж буй тал нь таны үйлчлүүлэгч бөгөөд хэрэв та худалдан авч буй талыг мөн төлөөлвөл үйлчлүүлэгчдийнхээ ашиг сонирхлыг ижилхэн хангаж чадахгүй. 

“Шүүгч бус замыг гэрэлтүүлэгч байж, Шүүмжлэгч бус үлгэр жишээ нэгэн байгаарай.” - Стивен Р. Кови

4. Харилцан ашигтай (Win-Win) нөхцлөөр ажиллах: Эерэг зүйлсийг онцолж, сөрөг асуудлуудыг шийдвэрлээрэй.

Үл хөдлөх хөрөнгө бүр давуу болон сул талуудтай байдаг. Борлуулах үед давуу талуудыг хамгийн эерэг өнцгөөс нь онцлон харуулах нь зүйтэй. Сул талуудын хувьд, үр бүтээмжтэй агент тэдгээрийг далдлах эсвэл багасгах гэж оролдолгүй харин тэднийг шийдвэрлэх гэж хичээдэг. Өндөр бүтээмжтэй агент нь асуудал шийдвэрлэх сэтгэлгээтэй байдаг: хэрэв та шийдлийг авчирч чадвал сул талыг давуу тал болгож чадна! 

Харилцагтай ашигтай (Win-Win) ажиллах сэтгэлгээ нь хэрэв үйлчлүүлэгч хожвол агент мөн хожно гэдгийг чадварлаг агент ойлгох боломжийг олгодог! 

“Өндөр бүтээмжтэй хүмүүс асуудлыг бус боломжийг эрэлхийлсэн сэтгэлгээтэй байдаг. Тэд асуудлуудыг шийдвэрлэхийн зэрэгцээ илүү их боломжуудыг бий болгож байдаг.” - Стивен Р. Кови  

5. Эхлээд ойлгож, дараа нь өөрийгөө ойлгуулахыг эрмэлз. Мэдлэг хэлэлцээрийг жолооддог. 

Өндөр бүтээмжтэй агентууд үйлчлүүлэгчийн хэрэгцээнд илүү анхаарал хандуулахын зэрэгцээ онцгой шаардлагуудад нийцүүлэн ажилладаг. Юун түрүүнд үйлчлүүлэгчээсээ суралцаж, түүний тэргүүлэх зорилго болон хүсэл эрмэлзлэлийг ойлгосны дараа үл хөдлөх хөрөнгийг худалдах, худалдан авах тухай өөрийн чадвар, туршлагаасаа хуваалцаарай. 

Чадварлаг мэргэжилтэн бай: Үл хөдлөх хөрөнгөтэй холбоотой бүхий л зүйлсийг суралцахыг хичээгээрэй: нэр томъёо, зах зээл, тодорхой дүүргүүд, идэвхтэй листинг, бусад чухал статистик гэх мэт. Түүнчлэн CENTURY 21-ийн сургалт болон семинаруудад хамрагдаж, бие даан судалгаа хийхийн зэрэгцээ бусдаас суралцаж шилдэг мэргэжилтэн болоорой! Мөн бизнес, архитектур болон зочлон хүндлэх ёс гэх мэт салбарууд дахь сүүлийн үеийн инновациудын талаар судалж мэдэх нь чухал. 

Салбартаа хамгийн мэдлэгтэй нэгэн болсноор тун удалгүй хүн бүр таны ярьж буйг хялбархан ойлгон хүлээн авах бөгөөд ингэснээр та өрсөлдөөнд давуу талыг олж авна. Хэрэв та карьертээ чин сэтгэлээсээ дурлан ажилладаг бол энэ нь үйлчлүүлэгчдэд тань мэдрэгдэж, тэд мөн адил таниас үйлчилгээ авахыг хүсэх болно. 

Тиймээс салбарынхаа талаар илүү гүнзгий ойлголттой болж хүсэл тэмүүллээ нэмэгдүүлээрэй. Салбарын ирээдүйн амжилт таны гарт байгаа тул өөрийгөө хөгжүүлж, чанартай үйлчилгээ үзүүлж, салбартаа шилдэг мэргэжилтэн байх нь таны үүрэг билээ. 

“Хүсэл тэмүүлэл гэдэг бол таны дотроос гарч буй гал юм. Хэрэв өөр хэн нэгэн тэрхүү галыг асаах гэж оролдвол маш богино хугацаанд шатаж дуусах магадлалтай.” - Стивен Р. Кови  

6. Синергизм: Брэндинг болон технологийн давуу талуудыг тултал ашиглаарай.

Дараах зөвлөгөөг ашиглан үйлчлүүлэгчдэдээ хамгийн сайн үйлчилгээг санал болгоорой. 

• Брэндэд итгэх итгэл: Нэр хүндтэй үл хөдлөх хөрөнгийн агентлагтай хамтран ажиллах нь гайхалтай эхлэл билээ! 

Үйлчлүүлэгчид таныг нэр хүндтэй компанийн нэг хэсэг гэж хүлээн зөвшөөрснөөр бизнесийн сайн харилцаа холбоо тогтоох эхлэл аль хэдийн тавигдсан гэсэн үг. 

• Нетворкинг: Бат бөх бизнесийн харилцаа бий болгохыг хичээн ажиллаарай! Та CENTURY 21 систем дэх банкны байгууллагууд, шинжээчид, үнэ тогтоогчид, өмгөөлөгчид, худалдан авагчид болон худалдаж буй төлөөлөгчидтэй харилцан ашигтайгаар хамтран ажиллах боломжтой. Гэрээ хэлэлцээрүүдийг илүү хурдан хаахын тулд бусадтай хамтран ажиллахад бэлэн байгаарай.

• Шилдэг үл хөдлөх хөрөнгийн агентууд тухайн багийг хамарсан төдийгүй технологийн давуу талыг бүрэн ашигласан маркетингийн төлөвлөгөөний чухал хэрэгцээг ухамсарладаг. Өндөр бүтээмжтэй агентууд зах зээлд өөрсдийн листингүүдийг борлуулж сурдаг бөгөөд цаашид мэдлэгээ нэмэгдүүлж интернетэд суурилсан маркетинг хийхэд хөрөнгө оруулдаг. 

• Бизнесээ зохион байгуулалттай, амжилттай удирдан явуулахын тулд CENTURY 21 CRM системээ ашиглаарай. Ингэснээр та илүү сайн үйлчилгээ үзүүлж, олон гэрээ хэлэлцээрүүдийг хийх болно. 

• Амлалт өгч, түүнийгээ биелүүл. CENTURY 21 Худалдан авагч ба Худалдагч талуудын эрх, үүргүүдийг ашиглан үйлчлүүлэгч тань тэдэнд өгөх таны амлалтыг ойлгосон эсэхийг шалгаарай.

“Ихэнх бизнес эрхлэгчид хараат бус байх хандлагатай байдаг. Тэд бие даан хийж, бүтээх дуртай. Гэвч та жил бүрийн Оны Шилдэг Бизнес Эрхлэгч уулзалтад очвол, тогтмол амжилттай ажилладаг хүмүүс багаараа ялж амжилт гаргадгийг анзаарах болно.” - Стивен Р. Кови

7. Хөрөөгөө хурцал: Өөрийгөө тасралтгүй хөгжүүлэх зарчмыг баримтлах

Дээр дурдагдсан мэргэжлийн ур чадваруудаас гадна шилдэг үл хөдлөх хөрөнгийн агентууд ихэвчлэн бие даасан, санаачлагатай байдаг:

Тэд хийж байгаа зүйлдээ илүү сайжрахын тулд энтрепренер сэтгэлгээтэйгээр ажилладаг. 

Тэд өөрсдийн өөртөө итгэх итгэлээ нэмэгдүүлж, эерэг хандлагатайгаар ажилладаг. 

Тэд үйлчлүүлэгчдээ уурлаж бухимдахад хүргэлгүйгээр хэрхэн няхуур бөгөөд өөртөө итгэлтэй байхаа мэддэг. 

Тэд хүмүүстэй харилцаа холбоо бий болгоход хүчин чармайлт гаргадаг. 

Чадварлаг мэргэжилтэн болохын тулд өөрсдөдөө хөрөнгө оруулалт хийдэг. 

Гадаад төрхдөө анхаардаг. 

Тэд үргэлж зохимжтой бөгөөд нямбай харагддаг.

Бүх агентууд хамгийн сайнаас нь суралцаж өөрсдийн ур чадвараа дээшлүүлэх боломжтой байдаг. Та заавал хувийн Yoda-тай байх албагүй: сайн нийтлэл, ном, веб хуудсуудын арвин баялаг сан таны өмнө үнэ төлбөргүй нээлттэй байдаг! 

Та ажилдаа явах эсвэл үйлчлүүлэгчидтэй уулзах уулзалтуудын хооронд явах цагийг хэрхэн ашиглахаас хамаараад Улаанбаатар хотын түгжрээ танд давуу тал эсвэл сул тал болж болно. Үл хөдлөх хөрөнгө, хувь хүний хөгжил эсвэл борлуулалттай холбоотой аудио ном эсвэл подкаст сонсож яваарай. 

Ингэснээр та салбарын шилдэг лидерүүдтэй ганцаарчлан уулзаж чадахгүй ч гэсэн бие даан суралцаж, өсч дэвших боломжтой. Чадварлаг агентууд цаг зав, эрч хүч, анхаарлаа зөв зохицуулах чадвартай байдаг. Үүнд аливаа нөхцөл байдлыг том зураглалаар харах, цаашлаад дасгал хөдөлгөөн, эрүүл хооллолт, гэр бүлтэйгээ чанартай цаг хугацааг өнгөрүүлэх гэх мэт зүйлс багтана. 

Амжилт гаргах нь цаг хугацаа шаарддаг гэдгийг санаарай! 

Хөдөлмөрлөхгүй бол үр дүн гардаггүй, гэвч та дээрх алхмуудыг дагаж өндөр бүтээмжтэй үл хөдлөх хөрөнгийн агент гэсэн карьераар удаан хугацаанд, амжилттай ажиллах боломжтой! 

“Өөрийн түүхийн дагуу бус уран сэтгэмжийн дагуу амьдар.” - Стивен Р. Кови