Үл хөдлөх хөрөнгийн бизнесийн ирээдүй
2022-09-05
Дараагийн 10 жилд бид олон тооны үл хөдлөх хөрөнгө зуучлалын компани болон мэргэжилтнүүд зах зээлээс аажмаар гарахыг харж болохоор байна. Энэхүү нөхцөл байдал нь технологи болон дэлхий дахинд ашиглагдаж эхэлж буй бизнесийн шинэ загвараас үүдэн бий болж байгаа мэт харагдавч үнэндээ тийм биш юм. Жинхэнэ аюул бидний дотор, нэн ялангуяа бидний өөрчлөлт хөгжилт, инновацид бэлэн биш байдалд оршиж байгаа. Энэ нь бид үйлчлүүлэгчид болон зорилтот бүлэгтээ хамгийн сайн үйлчилгээ, үнэ цэнийг өгч үйлчлэхэд асар их нөлөөтэй
Үл хөдлөх хөрөнгө зуучлалын олон компаниуд бүтээгдэхүүн – үл хөдлөх хөрөнгө – гүйлгээ гэсэн бизнесийн загвараар ажиллаж байгааг бид харж байна. Гэтэл үүсэн буй шинэ орчин нөхцөлд өрсөлдөхүйц байхын тулд бүтээгдэхүүн төвт загварааас үйлчилгээ төвт загвар уруу, гүйлгээ төвт загвараас харилцаа төвт загвар уруу шилжих зайлшгүй шаардлага үүсэж байгаа билээ.
Бидний давуу тал үүсгэх зүйл нь бидний хамтран ажиллах, мэдлэг хуваалцах, итгэлтэй байх зэрэг юм. Бид ийнхүү дотоод зах зээлийн өөрчлөлтийн мэдээлэл, харилцагч болон тэдний бодит хүлээлт, хэрэгцээг таниснаар урт удаан хугацаанд үргэлжлэх холбоо тогтоож чадна.
Энэхүү хувьсан өөрчлөлтийн явцад, үл хөдлөх хөрөнгийн сурталчилгаа нь технологийн хөгжил түүний хэрэглээнээс ихээхэн хамаарч байна
Хийсвэр орчин, цахим хөтөч, нийгмийн сүлжээ, аппликэйшн, метаверс, дрон зэрэг энэ бүх хэрэгслүүд тэдгээрийн хөгжилтэй хамт харилцагчийн үл хөдлөх хөрөнгийн цахим хайх арга даган өөрчлөгдөж байна. Цахим платформууд дээр байршуулах нь хангалтгүй болсон бөгөөд шинэ зүйлсийг ашиглаж илүү ухаалгаар төлөвлөх шаардлагатай болж байна.
Web3, NFT, DAO, Defi зэрэг блокчэйн технологид суурилсан гүйлгээний процесийн автоматжуулалт нь цахим технологийн аюулгүй ажиллагааг хангаснаар зээлийн гэрээ хийхэд хялбар болсон. Энэ бүх өөрчлөлтүүд харилцагчийг илүү хурдтай, санхүүгийн хувьд нээлттэй болгож байна.
Эцэст нь үл хөдлөх хөрөнгийн зөвлөхийн үүргийг тодорхой болгох нь чухал. Худалдаа, түрээс, лизингийн процест оролцохоос гадна энэ мэргэжлийн нэр хүнд нь бидний амьдралыг эрс өөрчилж буй технологи болон ЭНГИЙН БАЙХ зарчимтай уялдан өөрийгөө өөрчилж байхаар байна. Зөвхөн байрыг үзүүлдэг, зар тавьдаг хүмүүсийг үл хөдлөх хөрөнгийн зөвлөх гэж хэлэхгүй. Харилцагчийн хэрэгцээ ихсэх тусам тэдэнд зах зээлийн шинэ мэдээллүүдийг тогтмол авч байх нь чухал болсон.
Агентууд шинээр гарч буй цахим хэрэгслүүдийг харилцагчдад үнэ цэнэ нэмэх, процесийг илүү үр дүнтэй болгоход ашиглах нь зүйтэй. Технологи бол үр дүн сайжруулахаас гадна харилцагчтай харилцах хэрэгсэл болгон ашигласнаар харилцагчийн чиглүүлэх боломжтой. Үүний дүнд тухайн харилцагчид зориулсан үйлчилгээг бий болгож чадна.
