Үл хөдлөх хөрөнгийн агент санхүүгээ хэрхэн удирдах вэ?

2022-08-22

Үл хөдлөх хөрөнгийн агентын хувьд санхүүгийн зөв менежмент хамгийн чухал. Бидний хувьд борлуулалтаасаа шууд цалинждаг учраас маргааш эсвэл хэдэн 7 хоногийн дараа орлого орж ирнэ гэсэн баталгаагүй. Гэхдээ олж байгаа орлогын хувьд харьцангуй өндөр учраас үүнийг зөв удирлах нь чухал.

Хамгийн түрүүнд юунд зарцуулах вэ? Тогтмол зардлуудыг алгасъя.

Нэгдүгээрт хадгаламжаа нэм. Ковидын үеийн нөхцөл байдал бидэнд хадгаламж ямар чухал вэ гэдгийг хангалттай ойлгуулсан. Дараагийн борлуулалтаа хийх хүртэл таниас зардал гарсаар байх болно.

Өөртөө хөрөнгө оруулалт хий. Бид үл хөдлөх хөрөнгийн борлуулалт хийхдээ давхар өөрсдийгөө борлуулж байдаг. Та үргэлж сайжирч байх ёстой. Үгүй бол таны харилцагч таниас илүү хэн нэгнийг сонгон үйлчлүүлэхэд  гайхах зүйлгүй. Боломжтой бол гар утас, мэргэжлийн камер, автомашиндаа хөрөнгө оруулалт хий. Сургалтанд хамрагдаж, эрүүл мэнддээ анхаарахаа мартаж болохгүй

Та тогтмол орлоготой байхын тулд хувийн маркетингтаа зардал төсөвлө. Өөрийгөө бусдад таниулах, танилын хүрээгээ тэлэх, листингийн тоогоо нэмэхээ хэзээ ч бүү зогсоо. Зардал гаргахгүйгээр орлого олно гэдэг хэр бодитой вэ?

Нэмэлт орлого олохын тулд хөрөнгө оруулалт хий. Та ажлынхаа онцлогт тааруулан нэмэлтээр ямар бизнесийн орлого олж болох талаар судлаад үзээрэй. Хувьцаа авах, сургалт хийх, өөр юу ч байж болно.

Эрүүл мэндийн даатгал, нийгмийн даатгалд үргэлж мөнгө төсөвлө. Ямар ч тохиолдолд танд даатгал хэрэгтэй. Амжилттай ажиллахын тулд мэдээж та эрүүл байх нь чухал.

Харилцагчдаа үргэлж мөнгө төсөвлө. Та тэдэнд талархалаа илэрхийлж бяцхан гарын бэлэг өгөхөд гэмгүй. Зуучлалын үйлчилгээ бол нэг удаа болоод өнгөрөх процесс биш гэдгийг санаарай. Таны харилцагч таныг олон хүнд санал болгоно гэдэгт итгэлтэй байж болно.