Франчайз эзэмшигчийн хувьд таны урт хугацааны зорилго юу вэ?
2022-09-22
Хүмүүс франчайз бизнесийг сонгодог шалтгаануудын нэг нь өөрийн бизнестээ илүү амжилтад хүргэх байдаг. Гэвч бизнесээ хөл дээр нь босгоод ирэхийн цагт ирээдүйдээ тийм ч их анхаарал хандуулалгүй “comfort zone” буюу нэгэн хэвийн урсгалдаа ороод эхэлдэг. Энэ хандлага нь ур чадвараа сайжруулах, нөөц боломжоо илүү ахиулахад нь саад болдог сөрөг талтай.Энэ бүхнээс зайлсхийхийн тулд танд урт хугацааны төлөвлөгөө хэрэгтэй. Би танд хэрхэн гайхалтай урт хугацааны төлөвлөгөөг бий болгох аргыг танилцуулах гэж байна.
Зорилгоо тодорхойлох
Та хамгийн сүүлд хэзээ 1, 3, 5 жилийн дараа хэн болох, хаана хүрсэн байхаа өөртөө үнэнчээр хэлсэн бэ? Хэрвээ та бусад шиг бол удаан хугацаанд бодолцож үзээгүй л болов уу. Ихэнх франчайз эзэмшигчид өдөр тутмын ажилдаа хэт их анхаарлаа хандуулан, ирээдүйгээ харахаа мартдаг нь харамсалтай.
Юун түрүүнд та Франчайз эзэмшигчийнхээ хувьд урт хугацааны зорилгодоо хүрэх 3 зорилгыг тодорхойлох хэрэгтэй. Түүнийгээ оффис дээрээ тодоор хэвлэн тавих нь чухал.
Эхлэх цэгээ тодорхойлох
Урт хугацааны зорилгодоо хүрэхийн тулд хаанаас эхэлж байгаагаа мэдэх нь маш чухал. Эхлэх цэгээ тодорхойлохын тулд, дараах зүйлсийн онцгойлон авч үзэх хэрэгтэй:
- Танд одоо байгаа зүйлс
- Таных хараахан болоогүй ч та хэрэглэж болох зүйлс
- Таны зарцуулах цаг хугацаа
- Таны ашиглаж болох сан/хөрөнгө
Та өөрийн одоо байгаа буюу эхлэх цэгээ нарийвчлан жагсааж, тодорхойлсноор та боломжуудыг олж харж эхэлнэ. Жишээлбэл, та илүү их маркетингийн материал цуглуулах шаардлагатай гэж бодож байсан ч өөрт байгаа нөөц боломжуудаа жагсаан бичсэнээр танд таны бодсоноос илүү их нөөц байгаа гэдгийг ойлгож магадгүй юм.
Бизнес төлөвлөгөө бичих
Өөрийн зорилго болон одоо байгаа цэгээ тодорхойлсноор танд урт хугацааны зорилгоо гаргаж ирэх боломж бүрдэнэ. Та өөрийгөө 1, 3, 5 жилийн дараа хаана байхаа сайтар тодорхойлон бичих хэрэгтэй. Урт хугацааны зорилгод борлуулалтын тоо хэмжээ эсвэл гүйлгээний дүн гэх мэт аль болох тоон үзүүлэлт оруулж өгөх нь та өөрийн зорилгодоо хэр ойр байгаагаа олж харах боломж олгодог.
Түүний дараа энэ зорилгод хүрэх бизнес төлөвлөгөөг бичих хэрэгтэй. Тэр зорилгод хүрэхэд танд юу хэрэгтэй, хэрхэн зорилгодоо хүрэхээ тодорхойлох. Урт хугацааны гайхалтай төлөвлөгөөндөө хүрэхэд танд ямар ямар үе шатууд тулгарах, хэрхэн даван туулах гэх мэт дэлгэрэнгүй зураглалыг бий болгох хэрэгтэй. Энэ нь танд үе шатуудыг хэрхэн даван туулах, шаардагдах ур чадварууд юу байхыг урьдчилан харах боломж олгоно. Жишээ нь: Та оффисын байраа өөрчлөх хэрэгтэй юу? баг хамт олноо тэлэх шаардлагатай юу? Эдгээрийг гүйцэлдүүлэхэд танд ямар ямар үйл ажиллагаануудыг зохион байгуулах шаардлага тулгарч байна гэх мэт.
Урагшлах
Төлөвлөгөө гаргаснаар танд урагшлах боломж бүрдэнэ. Хүрэх замаа та нарийвчлан гаргаж мөн жижиг жижиг амжилтуудыг дунд нь зааглан оруулж өгөх хэрэгтэй. Энэ нь таныг зөв зам дээрээ явж, урам авч цааш зорилгодоо хүрэхэд тань туслах болно.
