Франчайз эрх эзэмших 5 шалтгаан

2022-08-29

Бизнес эрхлэгчид яагаад франчайз эрх эзэмшихийг илүүд үздэг вэ? 

1. Тогтмол брэнд таниулалт

Брэндийн нэр, бүтээгдэхүүн үйлчилгээ, лого, брэндийн өнгө төрх зэрэг нь хэрэглэгчдэд урт удаан хугацаанд танигддаг. Өнөө цагийн хэрэглэгчдийн нэг онцлог нь өөрийн таньдаг, хэрэглэж дадсан брэндээ сонгохыг илүүд үздэг.  Жишээ нь: Та аялалаар явж байхдаа, ялангуяа машинтай явж байхдаа өдрийн хоол идэхээр бол илүүтэй таньдаг мэддэг ресторанаар үйлчлүүлэхийг эрхэмлэнэ гэдэгт итгэлтэй байна. Учир нь та хоолны цэс болон өөрөө юу сонгохоо мэдэж байдаг. Энэ бүхэн франчайз бизнес загварчлалын ач холбогдол юм. 

2. Харилцаа холбоог дэмжих

Та Франчайз эзэмшигч болсноор та тухайн багийн  нэг хэсэг болно. Харилцаа холбоо таны бизнест хэрхэн нөлөөлдөг вэ?

Та баг хамт олныхоо туршлагаас суралцах боломжтой. Танд тулгарч буй асуудал хамт олон дундаас тань 10-аас 9-д нь тулгарсан байдаг.  Танд тулгарч буй асуудалд тохирох шийдлүүдийг бусад франчайз эзэмшигчид хэрхэн даван туулсан өөрийн туршлага  дээрээ үндэслэн танд зөвлөнө.
Өөр нэг сайн зүйл бол шилдэг туршлагууд юм. Хэрэв та франчайзад нэгдсэн бол бусад шилдэг франчайз эзэмшигчдээсээ хэрхэн орлогоо нэмэгдүүлэх, багаа бүрдүүлэх, хэрхэн зардлаа хэмнэх гэх мэт олон асуудлуудыг хэрхэн шийдвэрлэсэн туршлагаас суралцах боломжтой..

3. Боломжит орлого

Та франчайз эзэмшигч болоход таны төлбөр таны олсон орлого дээр үндэслэнэ. Мэдээж хэрэг та ашгаа тодорхойлохын өмнө франчайз эрх олгогчид төлдөг рояалти төлбөр болон, маркетингийн сангийн хураамжийг хасч тооцох хэрэгтэй. Гэхдээ таны орлого зөвхөн таны хийж буй бизнесийн цар хүрээгээр тань тодорхойлогдоно. 

Сайн мэдээ! Франчайз эзэмшигчийн хувьд танд орлогоо нэмэгдүүлэх хэд хэдэн арга бий. Үүнд:
- Илүү олон франчайзын салбар нэгжид хөрөнгө оруулалт хийх
- Худалдааны талбайн хэмжээг нэмэгдүүлэх
- Орлого сайн олдог ажилчдын тоог нэмэгдүүлэх
- Илүү их цар хүрээг хамрах
- Маркетинг, сурталчилгааны төсвөө нэмэгдүүлэх

4. Дагаж мөрдөх систем

Хэрэв та франчайз эзэмшигч болвол таны бизнесээ эхлүүлэх болон хөгжүүлэхэд шаардагдах бүхий л чиглүүлгийг өгдөг. Та зөвхөн хүчин чармайлт гаргах хэрэгтэй. Танд:

• - Албан ёсны сургалт
  - Хамгийн сүүлийн үеийн технологи
  - Бүрэн системийн гарын авлага
  - Маркетинг/зар сурталчилгааны төлөвлөгөө, загварууд
  - Дэмжлэг
  - Бусад

Энгийнээр хэлбэл, франчайз эзэмшигч болсноор танд шалгарсан дагаж мөрдөх систем болон толгой компаниас таны бизнесийн үр ашиг болон үйл ажиллагааг хамгийн сайн байлгахад туслах дэмжлэгийг санал болгодог.  Гэхдээ таны системийг хэр сайн дагаж мөрдөх, шаардлагатай үедээ зөвлөгөө тусламж авах нь танаас шалтгаална. 

5. Та бизнест харьцангуй хурдтай байж чадна

Ихэвчлэн Франчайзын гэрээнд гарын үсэг зурснаас сарын дотор бизнесийн үйл ажиллагаагаа эхлүүлэх боломжтой болдог.Та гэрээнд гарын үсэг зурж, шаардагдах франчайзын төлбөрөө төлсний дараа бөмбөг шууд л өнхөрч эхэлдэг. Жишээлбэл та шинэ бизнесээ явуулах боломжит байршлуудыг хайж эхлэх болно. Ихэнх тохиолдолд төв оффисоос тусламж авдаг, ялангуяа үл хөдлөх хөрөнгийн хэлтэстэй бол. Нэмж дурдахад, таны хамрагдах албан ёсны сургалтуудын товыг хамтран ярилцаж хуваарь гаргана. Мөн энэ хугацаанд та бизнесийн үйл ажиллагаагаа албан ёсоор нээхээс өмнө гүйцэтгэсэн байх зүйлсийн жагсаалттай танилцдаг. Компаниа бүртгэлжүүлэх, тусгай зөвшөөрлөө авах, даатгал хийлгэх гэх мэт.  Эцэст нь, хэрэв та франчайз эзэмшигч болохыг хүсвэл энэ  CENTURY 21-ийн франчайзын боломжуудтай танилцаарай.