Агентуудад хэрэг болох сурталчилгааны 10 тоо баримт

2022-09-28

1. 97% нь интернетээр байр хайж байна.
Нийт худалдан авагчдийн 41% нь эхний удаа интернет ашиглан хайлт хийжээ. Тэгвэл нийт хүмүүсийн 97% нь интернетээр байраа хайдаг бөгөөд тэдний 50% нь суурин болон зөөврийн компьютер, 50% нь гар утаснаас хандаж байна.

2. Маркетингийн хамгийн эрэлттэй суваг нь үл хөдлөх хөрөнгийн вэбсайт
Судалгаагаар хамгийн түгээмэл маркетингийн суваг нь вэбсайт 90,7%, блог 89.2%, имэйл 69.2% байна.

3. Худалдан авагчдийн 57% нь интернетээс олсон байраа авдаг.
76-96 насныхныг эс тооцвол тэд хүссэн байраа интернетээс олж байна. Худалдан авагчдын 28% нь үл хөдлөх хөрөнгийн агентаар дамжуулан байраа олж байгаа бол 7% нь yardsign буюу зарын самбараар олж байна.

4. 9 өдрөөр богино хугацаанд зарагдаж байна.
Худалдан авагчид зориулан үл хөдлөх хөрөнгийг тохижуулах, засвар хийснээр борлуулалтын дундаж хугацааг 9 хоногоор богиносгож байна. Үүнд шаардлагай хөрөнгө оруулалт нь дунджаар үл хөдлөх хөрөнгийн үнийн дүнгийн 1.3%-тай тэнцэж байна.

5. Таны заавал хэрэглэх технологи
Дараагийн 2 жилийн хугацаанд үл хөдлөх хөрөнгийн маркетингт хамгийн нөлөөтэй технологи нь дрон байх нь. Харилцагчын сонирхлыг татаж, амжилттай борлуулалт хийхэд танд дрон технологи зайлшгүй хэрэгтэй.

6. Ямар сурталчилгаа гэж үү?
Судалгаанаас харахад хүмүүсийн 42% нь хэвлэмэл сурталчилгаанд илүү итгэж, хариу үйлдэл үзүүлдэг. 29% нь хайлтын систем, 18% нь вэбсайтад хариу үйлдэл үзүүлж байна.

7. Сурталчилгааны хамгийн ашигтай хөрөнгө оруулалт
Имэйл бол танд хамгийн өндөр борлуулалт авчрах сурталчилгааны төлбөртэй хэрэгсэл. Имэйл сурталчигаа нь 112%-н хөрөнгө оруулалтын өгөөжтэй. Жижиг бизнесүүдийн 64,1% нь имэйл сурталчилгааг ашиглаж байна.

8. Реалторуудын 90% нь FACEBOOK ашиглан бизнесээ сурталчилж байна.
FACEBOOK-г ашиглан агентууд бизнесээ сурталчлах, листингийн мэдээлэл түгээх, харилцагчтайгаа холбоотой байхад ашиглаж байна. Instagram 52%, linkedin 48%-н хэрэглээтэй байна.

9. Үл хөдлөх хөрөнгийн видеог үзэхийг хүсч байна.
Хүмүүсийн 90% нь үл хөдлөх хөрөнгийн бодит бичлэгийг үзэхийг илүүд үзэж байна. Зурагтай харьцуулахад бичлэг хийсэн листингийн хандалт 403% өндөр байна. Youtube бол видео сурталчилгааны хамгийн эрэлттэй (88%) платформ юм.

10. Вэбсайтын хандалтын 57% нь хайлтаар дамжин орж ирдэг.
Хайлтын системийн оновчлолыг амжилттай хийснээр та вэбсайтын хандалтаа нэмэгдүүлэх боломжтой. Хүмүүсийн 59% нь гар утсаараа google хайлт хийж байна.