Нууцлалын бодлого

1. Ерөнхий зүйл

“C21.mn” нь зуучлуулагч /цаашид “Үйлчлүүлэгч” гэх/-ын мэдээллийн нууцлалыг хамгаалах үүрэгтэй бөгөөд бид хэрэглэгчийн мэдээллийн аюулгүй байдлыг хангахыг эрмэлзэж ажилладаг. Энэхүү Нууцлалын бодлого нь Хэрэглэгчийн хувийн мэдээллийг хэрхэн цуглуулах, ашиглах, хуваалцах, хамгаалах үед дагаж мөрдөх баримт бичиг юм.

1.1. Та “CENTURY 21”-ийн вэбсайтгы ашиглахдаа “Үйлчилгээний нөхцөл” болон “Нууцлалын бодлого” гэсэн эрх зүйн баримт бичгүүдтэй танилцаж, “Үйлчилгээний нөхцөл болон Нууцлалын бодлогыг хүлээн зөвшөөрч байна” гэсэн сонголтыг хийснээр бид үйлчилгээ үзүүлэх гэрээ байгуулах, гэрээний хэрэгжилтийг хангахад шаардлагатай хэрэглэгчийн хувийн мэдээллийг цуглуулах, ашиглах, дамжуулах эрхтэй болно гэдгийг бүрэн ойлгож, хүлээн зөвшөөрч байгаа болно.

1.2. Хэрэглэгч Нууцлалын бодлоготой танилцан хүлээн зөвшөөрч, вэб сайтад бүртгүүлсэн өдрөөс эхлэн энэхүү Нууцлалын бодлого нь хүчин төгөлдөр үйлчилнэ.

2. Мэдээлэл цуглуулах, хадгалах

2.1. Үйлчлүүлэгч нь вэб сайтыг ашиглах үед “C21.mn” нь Үйлчлүүлэгчийн оруулсан дараах мэдээллүүдийг хүлээн авч хадгалдаг. Үүнд:

• 2.1.1. Овог нэр, Регистерийн дугаар, төрсөн огноо, хүйс зэрэг Үйлчлүүлэгчийн хувийн мэдээлэл;
• 2.1.2. И-мэйл хаяг, гэрийн хаяг, утасны дугаар зэрэг холбоо барих мэдээлэл;
• 2.1.3. Таны аккаунт үүсгэхэд ашиглагдах мэдээлэл;
• 2.1.4. “С21.mn”-тэй холбогдох үед бидэнд өгсөн мэдээлэл;
• 2.1.5. Зуучлуулах гэж буй үл хөдлөх хөрөнгийн дэлгэрэнгүй мэдээлэл /Үнийн мэдээлэл, байршил, хэмжээ гэх мэт/

2.2. Хэрэглэгч нь өөрийн бүртгэлийн тохиргоонд нэвтэрснээр энэ мэдээллийг засах эсвэл устгах боломжтой.

2.3. Та манай вэб сайтад Facebook, Google, Linkedin эсвэл үүнтэй төстэй үйлчилгээгээр нэвтрэхээр сонговол бид таны бүртгэлээс шаардлагатай мэдээллийг импортлох бөгөөд бид үүнийг таны профайлын нэг хэсэг болгоно.

2.4. Хэрэглэгч вэб сайтыг ашиглах үед “C21.mn” нь тухайн хэрэглэгчийн дараах мэдээллийг автоматаар цуглуулдаг. Үүнд:

• 2.4.1. Вэб сайт дээрх үйлдэл буюу Үйлчлүүлэгчийн хайж буй, үзэж буй, ашиглаж буй мэдээлэл;
• 2.4.2. Үйлчлүүлэгчийн IP хаяг болон интернет үйлчилгээ үзүүлэгч (ISP)-ийн мэдээлэл;
• 2.4.3. Хэрэглэгчийн ашиглаж буй хөтчийн төрөл болон төхөөрөмжийн ID;
• 2.4.4. “C21.mn” дээр үзсэн мэдээллүүд (жишээ нь цэсүүд рүү хандах, зар үзэх гэх мэт)
• 2.4.5. Үйлдлийн системийн мэдээлэл, Үйлчлүүлэгчийн вэб сайтад хийсэн үйлдлүүдийн мэдээлэл.

2.5. “C21.mn” нь автоматаар цуглуулсан буюу 2.4-д заасан мэдээллийг Үйлчлүүлэгчийн оруулсан буюу 2.1-т заасан мэдээлэлтэй нэгтгэж боловсруулан, дата мэдээллийг цуглуулан судалгаа хийхэд ашигладаг.

2.6.“C21.mn” нь Хэрэглэгчийн зөвшөөрөлтэйгөөр Гуравдагч этгээдээс тухайн хэрэглэгчийн мэдээллийг цуглуулж болно.

3. Цуглуулсан мэдээллийг ашиглах

3.1. “C21.mn” нь цуглуулсан мэдээллээ үйлчилгээгээ хүргэх, Үйлчлүүлэгчид хариу өгөх, вэб сайтыг ажиллуулах, үйлчилгээгээ сайжруулах, үйлчлүүлэгчийн эерэг туршлагыг бий болгоход ашигладаг.

3.2. “C21.mn” нь Үйлчлүүлэгчийн зөвшөөрөлтэйгээр буюу Үйлчлүүлэгч нь вэб сайт-д бүртгүүлэхдээ “Үйлчилгээний нөхцөл болон Нууцлалын бодлогыг хүлээн зөвшөөрч байна” гэсэн сонголтыг хийснээр “C21.mn” нь тухайн хэрэглэгчийн мэдээллийг авч ашиглана.

3.3. “C21.mn” нь Үйлчлүүлэгчийн мэдээллийг дараах үйл ажиллагаанд ашиглана. Үүнд:

• 3.3.1. Вэб сайтын үйлчилгээг хэвийн ажиллуулах;
• 3.3.2. Үйлчлүүлэгч бидэнтэй холбогдох үед холбоо барьж, харилцах;
• 3.3.3. Вэб сайтын үйлчилгээнд дүн шинжилгээ хийх, сайжруулах, оновчтой болгох;
• 3.3.4. “C21.mn”-ийн үйлчилгээний нөхцөлийг хэрэгжүүлэх, “C21.mn” системийг залилан мэхлэх, урвуулан ашиглахаас урьдчилан сэргийлэх

3.4. Үйлчлүүлэгч нь вэбсайтад бүртгүүлж, өөрийн болон үл хөдлөх хөрөнгийн мэдээллийг “C21.mn”-д өгөхийг зөвшөөрснөөр дараах үйлчилгээнүүдийг ашиглах боломжтой болно. Үүнд:

• 3.4.1. Мэргэжлийн борлуулалтын мэргэжилтнээр өөрийн үл хөдлөх хөрөнгийг худалдах, борлуулах боломж;
• 3.4.2. Хамгийн таатай нөхцөл;
• 3.4.3. Хамгийн бага шимтгэл;
• 3.4.4. “C21.mn”-ийн хэрэглэгчийн үйлчилгээтэй холбогдож, туслах боломжийг олгох;
• 3.4.5. Үйлчилгээтэй холбоотой харилцаа холбоо, аюулгүй байдлын шинэчлэлтийн талаар холбогдож мэдэгдэх;
• 3.4.6. Үл хөдлөх хөрөнгө худалдах, түрээслэх үйл явцыг хялбар болгох.

3.5. Үйлчлүүлэгч нь вэб сайтад бүртгүүлж, өөрийн мэдээллийг “C21.mn”-д өгөхийг зөвшөөрснөөр маркетингийн хувьд дараах боломжуудад хэрэглэнэ. Үүнд:

• 3.5.1. Үйлчлүүлэгчийн үл хөдлөх хөрөнгийн онцлогт тохирсон контент, үйлчилгээ, сурталчилгааг үзүүлэх;
• 3.5.2. C21.mn болон CENTURY 21 -н оффисуудын сошил хуудсууд болон дотоод сүлжээгээр дамжуулан үл хөдлөх хөрөнгөө худалдах борлуулах боломж;
• 3.5.3. “C21.mn”-ээс болон гуравдагч этгээдээс авах боломжтой бүтээгдэхүүн, үйлчилгээний талаар танд мэдэгдэх;
• 3.5.4. Санал асуулга авах, ажилтай холбоотой арга хэмжээ зохион байгуулах, түүний үр дүнг нийтлэх;

3.6. Үйлчлүүлэгч нь вэб сайтад бүртгүүлж, өөрийн мэдээлэл болон үл хөдлөх хөрөнгийн мэдээллийг “C21.mn”-д өгөхийг зөвшөөрснөөр үйлчилгээг сайжруулахад дараах боломж бүрдэнэ. Үүнд:

• 3.6.1. Үйлчлүүлэгчийн зан төлвөөс хамаарч үйлдэл ихтэй үйлчилгээг хялбарчилах;
• 3.6.2. Вэб сайтын ашиглалтын талаар дүн шинжилгээ хийх, дотоод тайлан гаргах;
• 3.6.3. Алдаатай эсвэл ашиглагдахгүй байгаа үйлчилгээг сайжруулах;

3.7. Үйлчлүүлэгч нь вэб сайтад бүртгүүлж, өөрийн мэдээллийг “C21.mn”-д өгөхийг зөвшөөрснөөр аюулгүй байдал, залилангаас урьдчилан сэргийлэхэд дараах боломж бүрдэнэ. Үүнд:

• 3.7.1. “C21.mn”-ийн бодлогыг зөрчсөн, хууль бус байж болзошгүй үйл ажиллагааг илрүүлэх, судлах, урьдчилан сэргийлэх;
• 3.7.2. Хуурамч хаягийг илрүүлэх, урьдчилан сэргийлэх.

3.8. “C21.mn" вэбсайт нь вэб сайт дахь үйлчлүүлэгчийн мэдээллээс зөвхөн үл хөдлөх хөрөнгийн мэдээллийг худалдан авагч, түрээслэгч нарт дамжуулах бөгөөд регистрийн дугаар бусад хувийн мэдээллийг үйлчлүүлэгчийн зөвшөөрөлгүйгээр дамжуулахгүй болно.

3.9. “C21.mn” нь вэбсайтад зөвшөөрөлгүй этгээд нэвтрэх, таны мэдээллийг зохисгүй ашиглахаас урьдчилан сэргийлэх, хамгаалах арга хэмжээ авч, хяналт тавьдаг хэдий ч гуравдагч этгээд, эсхүл эрх бүхий байгууллагад ирсэн мэдээлэл, эсхүл олон нийтийн сүлжээ, сошиал дээр хуваалцсан мэдээ мэдээлэл, Үл хөдлөх хөрөнгийн зар гэх зэрэгт хувийн мэдээлэл алдагдсантай холбоотой асуудлаар хариуцлага хүлээхгүй болно. Иймээс та бусдад хуваалцах, нийтэд ил болгох хүсэлгүй өөрийн хувийн мэдээллийг “C21.mn” вэбсайтад нийтлэхгүй байх үүрэгтэй.

4. Бусад

4.1. Үйлчлүүлэгч нь хүссэн үедээ өөрийн профайлдаа хандах, шинэчлэх, мэдээллээ устгах боломжтой. Ингэхдээ өөрийн нэвтрэх нэр нууц үгийг ашиглан вэб сайтад нэвтэрч хүссэн өөрчлөлтийг хийнэ.

4.2. Хэрэв та манай Вэб сайтад бүртгэлгүй бөгөөд өөр хэн нэгэн таны холбоо барих мэдээллийг бидэнд өгсөн гэж бодож байвал “C21.mn”-ийн Төв оффистой холбоо барьж шийдвэрлүүлнэ.

4.3. Хэрэглэгч нь өөрийн нэвтрэх нэр, нууц үгийн аюулгүй байдлыг хангах үүрэгтэй.

4.4. “C21.mn” нь Вэб сайтын үйлчилгээнд гарсан өөрчлөлтийг тусгахын тулд энэхүү Нууцлалын бодлогыг шинэчилж болно.

4.5. “C21.mn” нь шинэчилсэн мэдээллийг үйлчлүүлэгчид заавал мэдэгдэх үүрэгтэй байна.

Боловсруулсан огноо: 2025.09.25