Яагаад франчайз гэж
CENTURY 21® Монголд
CENTURY 21® нь Монгол улсад 2017 оноос эхлэн үйл ажиллагаагаа явуулж байгаа бөгөөд сүүлийн жилүүдэд зах зээлийн хүнд хэцүү нөхцөл байдлыг үл харгалзан хүчирхэгжиж буй брэнд юм.
CENTURY 21® Mongolia нь НОМИН Холдингийн охин компани бөгөөд энэ нь бид НОМИН Холдинг гэх олон салбарт тэргүүлэгч дотоодын брэндийн тусламжтайгаар таныг салбартаа тэргүүлэгч болгох зөв менежментээр хангах бүрэн чадвартайг илэрхийлнэ. Мөн түүнчлэн CENTURY 21® нь НОМИН Холдингоор дамжуулан Монгол дахь өөр аль ч ҮХХ-ийн брэндэд байхгүй давуу талыг түнш Брокерууд болон Борлуулалтын мэргэжилтнүүддээ хүргэж, манай үйлчилгээг илүү үнэ цэнтэй болгохуйц шинэ хамтын ажиллагааг байнга хэрэгжүүлсээр байх болно.
CENTURY 21® брэнд маань аль хэдийн зах зээлд өөрийн байр суурийг эзлээд байна. 2021 онд манай хамт олон Брокер, борлуулалтын мэргэжилтэн түншүүддээ зориулан хамгийн шилдэг үйлчилгээг үзүүлэхийг зорьж, сургалт хөгжлийн хөтөлбөрөө хямдралтай үнээр шинэчлэн төлөвлөж, таны үйлчлүүлэгчдэд үзүүлэх үйлчилгээг илүү үнэ цэнтэй болгох үүднээс өнөөгийн зах зээлд зориулагдсан нөөц бололцоо болон хамтын ажиллагааг бий болгож байна.
CENTURY 21®?
CENTURY 21 Франчайз эрх 5 жилийн хугацаатай урьдчилгаа 30% төлөөд авах боломжтой. Энэ нь хамгийн бага эхлэлийн хөрөнгөөр таны бизнесийг эхлүүлэх боломжийг олгож байна.
CENTURY 21 Үл хөдлөх зууч шимтгэл хамгийн бага. Бид орон сууц, оффис, үйлчилгээний талбай, хаус, бие даасан объект, газар дээр ажиллахаас гадна хөрөнгө оруулалтын зуучлалыг давхар хийдэг. Хөрөнгө борлуулах дундаж хугацаа 45 хоног байна.
Үйлчлүүлэгчийн хүсэл
Зөвлөгөө мэдээлэлтэй, шударга, хариу үйлдэл үзүүлдэг, ил тод байдал болон бодит үр дүн.CENTURY 21®-ийн дээд чанар нь Монгол, Их Британи, АНУ, Японы үйлчлүүлэгчдэд тохируулсан хувийн онцлогтой үйлчилгээг санал болгосоор ирсэн билээ. Бизнесийн загвар бүхий уламжлалт үл хөдлөх хөрөнгийн агентаас ялгаатай нь үйлчлүүлэгч бүх аяллынхаа туршид нэг холбоо барих цэгтэй байдаг бөгөөд тухайн хүн бүх үйл явцын туршид хариуцлагатай байж анхаарал хандуулан ажилладаг.
CENTURY 21® Mongolia-ийн Эрхэм Зорилго
Дундаж байдлыг эвдэж, онцгой үйлчилгээ үзүүлэн, үл хөдлөх хөрөнгө зуучлалын салбарт өөрийн GOLDEN STANDARD-г тогтоох.GOLDEN Стандарт гэж юу вэ?
Үл хөдлөх хөрөнгийн GOLDEN стандартыг бид үнэлэмжид тулгуурласан зохион байгуулалттай байгууллага гэж тодорхойлдог бөгөөд брокер, борлуулалтын мэргэжилтэн, худалдагч, худалдан авагчдад үнэ цэнэ бий болгоход анхаарч ажилладаг.- Бид салбар байгууллагын Брокерууддаа ашигтай бизнес эрхэлж, үр дүнтэй туршлага хуримтлуулахад нь туслалцаа үзүүлдэг.
- Бид үйлчлүүлэгчдэдээ ҮХХ өмчлөх боломжийг олгож чаддаг, учир нь бид ажилдаа чин сэтгэлээсээ ханддаг. Бид боловсронгуй сургалтын хөтөлбөр, үр дүнтэй маркетингийн технологиор гишүүддээ дэмжлэг үзүүлэх замаар үйлчлүүлэгчдэдээ ч мөн хүрч үйлчилдэг.
- Таны анхны ҮХХ-ийн худалдан авалт, анхных гэдэг утгаар худалдан авалтын аялал тань тааламжтай байх ёстой тул бид үйл явцыг илүү хөнгөвчилдөг. Үйлчлүүлэгчид манай тангараг өргөсөн борлуулалтын мэргэжилтнээр дамжуулан үргэлж үнэ цэнтэй зөвлөгөөг авахаас гадна, та болон таны ҮХХ-д хамгийн ашигтайгаар хамтран ажиллах болно.
- Бид брэндийн үнэ цэнийг бий болгож CENTURY 21® Mongolia-н агентаар үйлчлүүлсэн үйлчлүүлэгчдэдээ зориулан түнш байгууллагуудаас онцгой хөнгөлөлтийн болон бусад урамшууллууд бэлгэлдэг.
Энэ нь зөвхөн брошюр дээр бичсэн сэтгэл татам үгс биш, харин дэлхий даяар хүлээн зөвшөөрөгдөж, хайрлагдсан CENTURY 21®-ийн үйлчилгээ. Энэ бол CENTURY 21®-ийн үйл ажиллагааны арга барил юм.
ҮНЭ ЦЭНЭ
НОМИН Даатгал
НОМИН карт
НОМИН Мишээл
НОМИН Электроникс
НОМИН Хоумстайл
CENTURY 21® Дэмжлэгийн Систем
Франчайзорын хувьд бидний хийдэг зүйл бол таныг илүү олон листийг системдээ оруулж ирэхэд, үйлчлүүлэгчиддээ санал болгож буй үйлчилгээг сайжруулхад, таны Century 21®-ийн бизнесийг ашигтай байлгаж, амжилтанд хүргэхэд туслаж дэмжлэг үзүүлэх явдал юм.
Бидний Үзүүлж буй Дэмжлэг:
Тохиромжтой байрлал болон брэнджилт: Бид зах зээлийн судалгаа хийж, өрсөлдөгч байгууллагын байрлалаас хамааран үйл ажиллагаа явуулахад тохиромжтой байрлалыг танд санал болгох болно.Бид оффисын зохион байгуулалт, чимэглэлийн талаар зөвлөмж, зааварчилгаа өгөх болно. Түүнээс гадна бид NOMIN ELECTRONICS, NOMIN MISHEEL, NOMIN HOMESTYLE компаниудтай хамтран ажилладаг тул цахилгаан бараа, оффисын тохижилтын материал гэх мэт дээр маш боломжийн хэлэлцээрийг санал болгох мөн боломжтой.
Сонгон шалгаруулалт хийх: Шинэ борлуулалтын хамтрагч буюу агент элсүүлэх тал дээр бид зөвлөгөө өгөх, ажилд зуучлах семинар, элсүүлэлтийн процесс, шаардлагатай ур чадварыг эзэмшсэн борлуулалтын мэргэжилтэнг танихад туслах боломжтой. Мөн зар сурталчилгааны загвар, лого, брошурын загвар материалаар хангана.
Технологи: Бид CRM системд хэрхэн оффисийн дансыг бүртгэхээс эхлээд шинэ лист бүртгэх, ажлын тэмдэглэл үйлдэл бүртгэх, өөрийн удирдлагыг тохируулан цаашид борлуулалтын мэргэжилтэнтууддээ анхан шатны зааварчилгаа өгөхөд суралцуулана.
Зааварчилгааны сургалт: Та манай зааварчилгааны цогц сургалтанд хамрагдах бөгөөд эдгээр нь CENTURY 21® Mongolia Бүсийн оффис дээр зохион байгуулагддаг.
Зааварчилгаа танилцуулгын сургалт нь "CENTURY 21® Way" -ийг хэрэгжүүлэн бизнесийн ашиг, ашиг тус ялгааг тодорхойлоход чиглэсэн мэдэх шаардлагатай бүх мэдээлэл багтсан бөгөөд үүнд:
- Бизнес Төлөвлөгөө ба Зорилго Тодорхойлолт
- Шимтгэлийн Системийн Аргачлалуудыг Ойлгох
- Борлуулалтын Стратегууд
- Хүний Нөөц Бүрдүүлэлтийн Бодлого
- Нээлтийн Төлөвлөгөө
- Хууль Тогтоомж
Мөн бид 15-н цогц сургалтад үнэгүй хамраглах эрх бэлэглэнэ. Бусад танхимийн болон цахим сургалтандаа хөнгөлөлт үзүүлэх боломжтой.
Тогтмол маркетинг дэмжлэг: Маркетингийн дэмжлэг нь таны бизнесийн өсөлтөд чухал хувь нэмэр оруулах болно. ҮХХ-ийн хайлтын 95% нь онлайнаар хийгдэж байгаа тул бид маркетинг стратегийн өнөөгийн чиг хандлагат хөл нэгдэн, өрсөлдөгчидөө давамгайлсан давуу талаа тусгах нь хамгийн чухал юм.
Брэнд Маркетингийн Фонд: Бүсийн маркетингийн кампанит ажлыг сурталчлах зорилгоор бүх харьяа оффисуудаас төлбөр хураадаг. Энэхүү фондыг нийт CENTURY 21® Mongolia-ийн брэнд хөгжүүлэлтэд зарцуулдаг нь бидний бас нэгэн өвөрмөц давуу тал юм.
Юу CENTURY 21®-ийн Франчайз эрх хүлээн авагчыг бий болгодог вэ?
Бид үл хөдлөх хөрөнгийн салбарт туршлагатай, мэргэжлийн эсвэл үл хөдлөх хөрөнгийн бизнесийн цоо шинэ боловсон хүчин үү? ... гэдгээс үл хамааран хувийн бизнесээ хөгжүүлэх чадвартай байгууллага, нэгж, хувь хүнтэй хамтран ажиллах хүсэлтэй.
Манай брэндийн хамгийн амжилттай франчайзинг эрхлэгчид дээр авч үзвэл тэдний нийтлэг нэг зүйл байдаг. Энэ нь туршлага, байршил эсвэл төсөв биш! Мэдээж эдгээр зүйлс нөлөөлдөг боловч хамгийн гол нь таны хандлага байдаг! Бизнес эхлүүлэхэд CENTURY 21®-н арга барилыг хэрэгжүүлэх шаардлагатай гэж үздэг зарим онцлог шинж чанарууд байдаг.
- Хүмүүс болон үл хөдлөх хөрөнгийн салбарт хүч үзэх хүсэл тэмүүлэл
- Бизнес эрхлэх чадвар
- Удирдах болон шийдэмгий чанар
- Үнэнч шудрага ба Хариуцлагатай чанар
- Сонсох, сурч хөгжих хүсэл тэмүүлэл
- Эрсдэл үүрэхэд бэлтгэгдсэн байх
Бид таныг амжилтанд хүрэхэд хэрхэн туслах вэ?
CENTURY 21®-ийн борлуулалтын мэргэжилтэн болоход үл хөдлөх хөрөнгийн агентлагт ажиллаж байсан туршлага шаардагдахгүй, мэдээж давуу тал болно - гэхдээ танилцуулага цогц хөтөлбөр бүхий сургалтаар албан ёсоор ажиллаж эхэлхээс өмнө бид хэрэгтэй бүх мэдээллээр хангаж зааж зөвлөнө. Гэсэн хэдий ч таны амжилтын төлөө, бид дээр дурдсанчлан тэдгээр чанаруудыг танаас олж харахыг хүсч байна.Үе шат
I. Франчайз Эрх Худалдан Авалтын Процесс
Бид CENTURY 21® брэндээ Монгол улсад өргөжин тэлэх зорилготой хэдий ч чанарыг эрхэмлэх үүднээс бид франчайз сонирхогч этгээдийг шинэжилж, CENTURY 21® брэндийн шаардлагат нийцэх эсэхийг тодорхойлох шаардлагатай байдаг. Франчайзыг удирдан авч явах хуулийн этгээд буюу брокер нь эрх хүлээн авагч өөрөө байх шаардлагагүй бөгөөд брокерын хувьд мөн тохирох судалгааг хийж, зөвшөөрөл олгох юм. Франчайзын эрх хүлээн авах гэрээ зурах хүртэл бүсийн борлуулалтын менежер таныг бүрэн мэдээллээр хангах бөгөөд, гэрээ зурагдсаны дараа брокер үйлчилгээний менежерт шилжин дараагийн алхам уруу ордог.
II. Шинэ Франчайз Чиглүүлэх Процесс
Зорилго
Шинэ франчайз эзэмшигчдэд ашигтай оффис нээж ажиллуулахад нь тусалж, чиглүүлэг өгч CENTURY 21® брэндийн мэргэжлийн үйлчилгээг бататгах. Үйл ажиллагааны эхний 12 сард нь брокер үйлчилгээний болон сургалт хөгжлийн салбарууд шинэ CENTURY 21® франчайзд оролцож, дэмжиж ажиллах нь шаардлагатай.Зорилт
- Чиглүүлэх процессийн гол зорилт нь шинэ франчайзинг эрхлэгчдийг оффисоо нээгдэхээс өмнө франчайзинг гэрээгээрээ CENTURY 21®-тэй хүлээсэн бүх үүрэг хариуцлагуудыг сайн ойлгуулах явдал юм.
- Брокер үйлчилгээний салбарын зорилго нь үйл ажиллагааны эхний 12 сарын хугацаанд шаардлагатай үед хамт байж, шинэ франчайз эзэмшигчийн бизнес явуулахад тохь тухтай байдлыг бий болгох явдал юм.
- Сургалтын салбарын зорилго нь шинэ брокер, оффис менежер, агентууд үл хөдлөх хөрөнгийн зах зээлд нэвтрэхэд шаардлагатай ур чадвар, мэдлэгтэй байхыг баталгаажуулах.
- Чиглүүлэх процессын зорилго нь ирээдүйн эрсдэл, болон боломжуудыг дэлгэж өгч, франчайз эзэмших хугацаандаа үйл aжиллагаа нь хамгийн ашигтай ажиллахыг нь чиглүүлж өгөх юм.
Санхүү
Ихэнх бизнес эрхлэгчид бизнесийн нийт хөрөнгө оруулалтынхаа ядаж нэг хэсгийг санхүүжүүлэх шаардлагатай гэж үздэг. Тиймээс бизнесээ эхлүүлэх эхний үе шат нь үйлчлүүлэгч, харилцагчдаа тохирох ҮХХ-г хайх эхний алхамтай адилхан тул та хувийн санхүүгийн байдлаа сайн төлөвлөж, бодит хөрөнгө оруулалт буюу бодит хөрөнгө оруулалтын чадвараа тооцоолох хэрэгтэй. Таны хөрөнгө оруулалтын чадвар дараах зүйлээс хамаарна.
- Сар бүрийн тогтмол зардал
- Урьдчилгаа төлбөр
- Боломжит зээлдүүлэгч ба зээлийн хүү
Хөрөнгө Оруулалтын Чадвараа Дүгнэх Эхний Алхам:
Хэрвээ та хөрөнгө оруулалтаа зээлээр шийдэх сонирхолтой байгаа бол зээлийн байгууллага танаас санхүүгийн байдлын талаар бүрэн мэдээлэл шаардах болно. Таны орлогоос гадна таны одоо байгаа хөрөнгө, өр төлбөрөөс хамааран хэр их мөнгө зээлэх боломжтойг тодорхойлно.CENTURY 21® Mongolia нь НОМИН Юнион банк бус байгууллагатай хамтран зээлийн хөтөлбөр хэрэгжүүлдэг. Иймд франчайз эрх хүлээн авагч нь урьдчилсан шаардлагыг хангасан тохиолдолд 100,000,000 хүртэлх төгрөгийн барьцаатай, барьцаагүй зээл гаргах боломжтой. CENTURY 21® болон Номин Юнион түншлэлийн хөтөлбөрийн талаархи дэлгэрэнгүй мэдээллийг НОМИН Юнион Үйл Ажиллагааны хэлтсийн дарга Ган-Эрдэнээс (8988-1057) авах боломжтой.
Хөрөнгө Оруулалтын Боломжоо Дүгнэх Хоёр Дугаар Алхам:
Үл хөдлөх хөрөнгийн борлуулалтын оффис нээхэд шаардагдах ерөнхий зардлын тойм.Тодорхой байршил дээр төвлөрч мэргэших нь борлуулалтын агентууд болон зуучлагчдын аль алинд нь үйлчлүүлэгч олоход үнэ хувь нэмэр оруулах болно. Та франчайз худалдан авах хүсэлтэй бол оффис байршилаа хаана байлгах, мөн түрээсийн төлбөр, хэдэн м2-тай байх гэх мэт судалгааг хийж эхлэхийг зөвлөж байна. Хотын төвд оффис түрээс 20,000-50,000 ₮ / квадрат хооронд хэлбэлзэнэ. Байршлыг CENTURY 21® Mongolia-ийн Брокер үйлчилгээний газарт илгээж батлуулана.
Франчайз Эрхийн Төлбөр нь Ямар Үнэтэй вэ?
CENTURY 21® Мongolia итгэж байна, бид танд хамтрагчтайгаа хийх хамгийн тохиромтой шимтгэлийн төлөвлөгөөнүүдийг сургалтаар оруулж, шимтгэлийн талаар хамгийн хэрэгтэй мэдээллээр хангах болно. Энэхүү шимтгэлийн төлөвлөгөө нь танай оффис, таны хамтрагчдад ямар үнэ цэнийг бий болгохоос шалтгаалан компьютер, таблет, интернэт, камер, дрон, хэвлэл эсвэл анхны хөрөнгө оруулалтад шаардагдах бусад програм болон хэрэглээний техникээр хангах эсэхээ шийдэх боломжтой.
Эцэст нь, Бид эрхэм харилцагч танд зориулан хамгийн чухал хэсэг болох CENTURY 21®-ийн нэр дор ҮХХ-н зуучлал борлуулалтын бизнес эрхлэх франчайзын төлбөрийн мэдээллийг танилцуулъя. 2.5 жилийн хугацаатай франчайзийн эрхийн төлбөр 30,000,000 төгрөг
| А. Төлбөр төлөлт 100% - 30,000,000 төгрөг |
| * Рояалти доод төлбөр (646,250 төгрөг) -өөс эхний 4 сар чөлөөлөх |
| * Шинэ агентын сургалтад 10 агент 50 хувийн хөнгөлөлттэй суралцах эрх |
| * Франчайз эрхийн хугацаа 2.5 жил + 4 сар |
| Б. Төлбөр төлөлт 50% - 15,000,000 төгрөг |
| * Урьдчилгаа 15,000,000 төгрөг |
| * Рояалти доод төлбөр (646,250 төгрөг) -өөс эхний 1 сар чөлөөлөх |
| * Үлдсэн 15,000,000 төгрөгийг гэрээ зурснаас хойш 2 дахь сараас эхлэн улиралд тэнцүү хувааж төлөх |
| * Шинэ агентын сургалтад 10 агент 50 хувийн хөнгөлөлттэй суралцах эрх |
| * Франчайз эрхийн хугацаа 2.5 жил + 1 сар |
Дараа нь ямар тогтмол зардлууд гарах вэ?
Оффисын үйл ажиллагааны хүрээнд тогтмол болон хувьсах зардлуудаас гадна бусад цөөн хэдэн хураамж байдаг.